مهلبية النشا
رجعت لكم بتطبيق جديد من وصفات قروب الفيس بوك .. أحلى الوصفات من مطبخنا
بالعاده دايم اسوي حلويات حديثه وكيوك وهالمهلبيه واحد من اخوتي يحبها
وقلت باجربها وضبطت عندي بس اذا سويتوها ماتكون جامده واجد مثل اللي معتاده عليها
تكون خفيفه على قولت خديجه صاحبه الوصفه تقريبا كأنها جلو
بس طعمها لذيذ وسكرها معتدل واللي يبغاها تكون اغلظ يقدر يزيد كميه النشا
المقادير
حليب سائل 6 أكواب
نص كاس نشا مذوب في كاس ماء
نص كاس سكر
ربع كاس ماء ورد
وممكن اضافة علبة قشطه للي يحب
الطريقه
نحط في قدر على النار الحليب السائل والنشا المذوب في الماء
* * يمكن يذوب النشا في كاس حليب من المقدار نفسه بدون مانزيد كاس الماء **
نتركه يغلي على نار هادئه لمدة 10 دقائق .. او اكثر شوي
ونضيف بعدها السكر ونحركه ونتركه 5 دقائق
وأخر شي ماء الورد ونحركه شوي ونرفعه عن النار
بيكون الخليط سائل غليظ شوي ونسكبه في أطباق التقديم ونزينه حسب الرغبه
زينته بعضه بالفستق وبعضه بجوز الهند المحلى
وبالعافيه
~ مطبخي الصغير ~ 
Posted by al_mshaksa on 27/06/2011 at 8:58 مساءً
ماشاء الله تبارك الرحمن
انتي وااااااااااااااااااو وصفاتج احلى واحلى
تحياتي لج…