Archive for the ‘أطباق رئيسية’ Category

شوارما الدجاج العربي

شوارما الدجاج العربي

هالوصفه خذتها من هجر من زمان وكل مره أاجل تجربتها لأن عندنا بالبيت طريقه للشوارما معتمدينها وسبق حطيتها في المدونه بس كتغيير قلت

اجربها امس تخيلت انه طعمها ممكن يكون اقرب للشوارما من الطريقه اللي اسويها .. وفعلا الطريقه حلوه وسهله وسريعه  ماتاخذ وقت الا بسلق الدجاج

المقادير

دجاجه مسلوقه ومقطعه بالأصح مفتته .. شخصياً استخدمت صدور دجاج

ملح , بهارات مشكله , كمون وفلفل أسود

ربع كاس عصير ليمون

ربع كاس زيت زيتون

بصله  مقطعه جوانح ” اختياري مو ضروري تحطوها

الطريقه

بعد تفتتيت الدجاج  المسلوق  “نخليه مثل الخيوط”  نحط عليه  البهارات ونصب فوقه عصير الليمون وزيت الزيتون ونتركه 10 دقايق يتبل

وفي المقلى نحط شرايح البصل الرقيقه ونشوحهم ع السريع  في ملعقتين زيت ونحط الدجاج فوقهم  ونحركه ونتركه على نار هاااديه نص ساعه

ونشوحه بالاخير ونرفعه عن النار ويكون جهز عندنا نحطه بالسندويتشات بالطحينيه والاضافات اللي نحبها

صينية الرز بالدجاج والقشطه

صينية الرز بالدجاج والقشطه

الطريقه شفتها في كتاب وصفات قشطة السعوديه .. وشكلها عجبني بس في النهاية  تجربتي ماطلعت نفس الصوره  أظن لأني كثرت كمية الرز

وماطلع عندي نثري

المقادير

للكريمه  والوجه / علبتين قشطه  , مكعب ماجي خضار , فلفل , ملعقة زيت , نص فص ثوم قد الفتفوته  ” وكالعاده اللي يحبه ممكن يستخدم فص كامل , بقسماط

للحشوه / 3 صدور دجاج مسلوقه ومقطعه , بصله متوسطه مفرومه , علبة ذرة صغيره ,  ملعقه صغيره كمون وكزبره وبابريكا  وملح حسب الرغبه

كوب ونص رز أبيض مسلوق = تقريبا 3 أكواب رز بعد السلق

الطريقه

لتجهيز الحشوه .. نقلي البصله حتى تبدي تشقر ونضيف عليها الدجاج والذره والبهارات ونقلبه 3 دقايق ونرفعه عن النار

لتجهيز الكريمه .. نحط ملعقة الزيت ع النار ونضيف عليها نص فص الثوم نحركه ونضيف علبتين القشطه ومكعب الخضار والفلفل ونحركه

بس يذوب  ونرفعه عن النار

نحط الرز في قاع الصينيه وعليه طبقة الحشوه ونصب فوقه الكريمه وننثر البقسماط عليه

 وندخله الفرن يخبز 20 دقيقه او بس يتحمر

ويقدم

نيوكي بصلصة الطماطم والريحان

نيوكي بصلصة الطماطم والريحان

بعدنا في المطبخ الإيطالي ” غرامي ” وهالطبق يعتبر نوع من أنواع الباستا بس بإضافة البطاطس وطبعا بما اني من محبات الباستا بأنواعها وصدري رحب للمغامرات والتجارب خخخخ ماخليت في خاطري وجربته ..
تقدروا تسووه في البيت مثل الطريقه اللي بحطها لكم الحين ” الطريقه خذتها من شانيل في منتدى شمواه ” أو تقدروا تاخذوه جاهز أتوقع تلقوه في السيفوي التميمي <<< حظهم اللي ساكنين عند السيفوي

المقادير

لكل 6 أشخاص

4 حبات بطاطس متوسطه مسلوقه ومقشره
4 أكواب طحين
بيضتين
ملح
4 ملاعق جبن برميزان مبشور ” يمكن الإستغناء عنه “

الطريقه

 نهرس البطاطس بشكل ناعم تماما بحيت ماتكون فيه اي كتله صغيره ونبشر البرميزان

 

وعلى الرخام نحط الطحين ونرش عليه الملح ونعمل حفره بالوسط نكسر فيها البيضتين

ونخلطها بالشوكه ونضيف الجبن والبطاطس المهروس ونعجن وننتبه لانكثر ولانبالغ في العجن حتى ماتصير العجينه لينه
“ونضطر نضيف طحين زياده .. “وفي حال صار هالشي مثل ماقلت لكم تقدروا تضيفوا شوية طحين

 

لين تجهز العجينه عندنا وتتشكل كوره بها الشكل ونتركها على جنب

نبدا نجهز الصوص

ناخذ 8 حبات طماطم نعمل فيها شق صغير سطحي بالسكين على شكل زائد
وننزلها بماي يغلي ونتركها حوالي ربع ساعه ونشيلها ونقشرها .. بتتقشر بسهوله من مكان الزائد اللي سويناه

ونخلطها في الخلاط حتى تصيرعصير ناعم بدون كتل

في مقلاه نحط شوية زيت زيتون + زيت نباتي حتى لايحترق زيت الزيتون لأن بسرعه ترتفع حرارته
ونضيف عليه حبه بصل مفرومه وفص ثوم صغير ” اللي يحبه يزيد فصين ”
ونقليهم شوي لين يذبل البصل ويبتدي يشقر شوي

ونضيف عليه الطماط اللي هرسناه في الخلاط ونتركه ع النار شوي
بعدين نضيف عليه 2 ـ 3 معجون طماط , مكعبين ماجي خضار وبهارات وكاس ماي

ونخلطه ونتركه ع النار لين يغلي وننزل ع النار لين تتكثف الصلصه وتجهز وقبل مانطفي عنها اخر شي نضيف
الريحان ” اللي ماعندها طازج وهو الأفضل ” تحط يابس وامرها لله

نرجع الحين لعجينة النيوكي
ناخذ جزء من العجينه ونفرده بشكل طولي ونقطعه قطع صغيره بالسكين على شكل مخدات صغيره

ونكرر العمليه لين يخلص كل مقدار العجينه
طبعا عندي طلعات اشكال واحجام غريبه لأني كنت مستعجله بس حاولوا لاتكبروا حجمها اكبر عن مفصل اصبع وبالشوكه نضغط على الحبات حتى تبين الخطوط فيها

 

اذا جهز نغلي مقدار من الماي بس يغلي نحط فيه الملح ونضيف حبات النيوكي
وننتظر بس تبدي تترتفع على وجه الماي يعني انها استوت وصارت جاهزه

 

نشيلها وعلى طول نحطها في الصوص مباشره

ونحط كل شوي مجموعه في الماي لين تخلص الكميه كلها

ونتركها في الصوص دقيقتين تتشرب به ونغرفها على طول في صحن التقديم ونرش عليها البرميزان ونزينها بالريحان

 

ملاحظه / البرميزان جبن ايطالي معتق يعتبر سعره غالي شوي ” الكيلو 95 ريال ” تلقوه بالسيفوي او حتى اسواق المزرعه مرات ينوجد في قسم الأجبان والمخللات .. في حال ماتوفر عندكم .. تقدروا تستخدموا بديل البرميزان ماركة فرشلي ” موجود في قسم الأجبان والمخللات بعد شفته في اسواق المزرعه <<< عن لااتعبكم تروحوا مشاوير تدوروا وينه :P

كباب اللحم

كباب اللحم

هالوصفه يمكن مو جديده للأغلبيه .. الاغلبيه عندهم طريقتهم اللي يسوو بها الكباب .. حتى عندنا في البيت بالعاده اسوي خلطة اللحم ببهارات اكثر بس هالوصفه كانت عندي من زمان خذتها من أيام هجر من  المبدعو دمعة  أم البنين فقلت اليوم اجربها بما أن وصفاتها دائماً مميزه …. طبعا ظاهريا بالنسبه لي النتيجه حلوه بس لأني مو من معجبات اللحم اعتمدت لكم على كلام امي انه نفس مال المطعم .. بدون مبالغه في البهارات وانتوا جربوا بنفسكم وعلمونا النتايج  …

المقادير والطريقه

المقادير هنا تكون نظريه يرجع لتقديركم  للإضافات بالنسبه لكمية اللحم

*لحم مفروم أو دجاج مفروم

*بصل مفروم ناعم  .. بعد مانفرمه نتخلص من الماي اللي يطلع منه عشان  مايخلي اللحمه تتفكك من السوائل

|*فلفل أخضر حار مفروم ناعم

*ثوم  ” بالنسبه لي استخدمت فص واحد وفرمته ناعم جدااااا ” واللي يحب يزيد الكميه يرجع لذوقكم

*بياض بيضه

*بقسماط  تقريبا حطيت نص كاس أو اكثر بشوي

* البهارات ” كمون , كزبره يابسه , قرفه , ملح ”  فقط

~~ نخلط المقادير مع بعضها ونحاول ننشف  ماي اللحم قبل مانضيف عليه المقادير الثانيه  .. لازم الخلطه تكون ناشفه  .. ونجيب الأسياخ الخشب ونكبب اللحم عليها

وندخلها الفريز 10 دقايق او الثلاجه لوقت اللي بنسويها فيه .. واللي ماتحب تحطهم في اسياخ الخشب هذي خطوه اختياريه .. تقدر تكتفي بس انه تكببيهم  بشكل طولي

~~ الحين نجي لتسويتهم .. تقدروا بعدة طرق مو شرط تلتزموا باللي سويتها  .. ممكن تشووها على الشوايه الكهرب أو ع الفحم أو تحطوها بصينيه وتدخلوها الفرن او

على صاج او مقلى تيفال ع الفرن ..  وبالنسبه لي سويتهم على الشوايه الكهرب

بعد مانخلص الشوي .. نحط فحمه صغيره ع النار بعدين نحطها على قطعة قصدير في وسط اسياخ اللحم ونحط عليها نقطة زيت ونغطي اللحم تماما حتى يتبخر بالدخان  اللي يعطيه  ريحة الشوي المميزه

ونقدمها مع السلطه او بشكل سندويتشات  وبالعافيه

كودو التوست

كودو التوست
 
 
بنحتاج الى ــ
 
كيس بريد ,, ناخذ شريحتين من البريد ونحطهم فوق بعض ونفردهم بالنشابه لين يصيروا كأنهم قطعة وحده
ونغطيهم بالبيض والبقسما
 

ونقليهم في الزيت وبينتفخوا عندنا

للحشوه / نقلي بصله ونحط فوقها , صدور دجاج مقطع صغار وملح وبهارات , فليفله , ملعقة جبن , ملعقتين قشطة ونرفعها عن النار على طول

ونقطع التوست المقلي الى نصين ونحشيها بالحشوه والخس المقطع

وبالعافيه

صينية الرز بالخضار

صينية الرز بالخضار
 
 
هالطبق من أكلاتي المفضله <<< اكيد مدام عيش ومكرونات
وسهله وأمي القمر بعد تحبه وامس ماكان لي خلق أطبخ شي وكان باقي نص كيس لحم مفروم
استخدمت امي نصه للشوربة فقلت فرصه اسويها بهالنص الباقي يعني انتوا تقدروا تزيدوا كمية اللحم
وتغيروا في المقادير على ذوقكم والخضار المفضله عندكم
 
المقادير والطريقه
 
 
مثل ماتشوفوا في الصورة
 
رز أمريكي مغسول ومنقوع شوي ومصفى
خضار مقطعه شرائح " بطاطس , طماط, جزر , فليلفه , بصل
وتقدروا تضيفوا خضاركم اللي تحبوها وتقدروا تنقصوا على ذوقكم مثل ماقلت
لحمه مفرومه نقليها مع البهارات
 
للخلطه " ماء يكفي للتغطيه الصينية+ مكعبين ماجي خضار + ملح + فلفل + بهارات مشكله + صلصة طماطم
 
 
ونبدأ في صف شرائح البطاطس في قاعده الصينية وفوقها طبقة الرز الأمريكي
وفوقها شرائح الفليلفه والطماط والجزر وشرائح البصل
واخر شي نحط طبقة اللحم المفروم
عندي ماصارت طبقةاللحم تغطي كامل لأني مااستخدمت وايد مثل ماقلت لكم فوق
وتقدروا تزيدوا عشان تغطي طبقة اللحم كامل الصينية
 
وأخر شي نصب الخلطه لين تتغطى كل الطبقات
ونغطيها وندخلها فرن الشوي او نطبخها ع الفرن حسب صينيتك
 
 
اول شي نغليها على نار عاليه بس تغلي على طول ننزل على النار ونخليها تنشف
على راحتها واذا تحبوها تكون نديه ورطبه
ماتنشفوها 100 % اذا حسيتوها خلاص نشفت عدل وباقي فيها شوي رطوبه شيلوها
عن الفرن وبتظل محافظه على نداوتها
وهذا شكلها اول ماشلتها
 
 
ونغرفها ونزينها بالكزبره المفرومه ونقدمها وبالعافيه
 
 

التاكو

Taco
 
 
من فتره واني ابغى أجرب هالتاكو واخذت لي علبة من فترة وكل يوم ع اليوم وماسويتهم
وأخيرأ أمس عزمت أسويهم وكانت عندي طريقة للحشوة على دجاج ماخذتها من ام سيد علي يعطيها العافيه
غير اللي محصلتهم في النت هنا وهناك بس لأني كنت مسويه بيتزا الفاهيتا دجاج قلت بنخلي التاكو على لحم
Open-mouthed smileمفروم << ينقال له تنوع
 
بعطيكم الحشوة اللي جربتها واللي ماجربتها للتجارب اللاحقه
واختاروا اللي يعجبكم منها
 
بنحتاج الى //
 
علبة تاكو
للحشوة / بصله مفرومه ,لحم مفروم , بهارات مشكله , شيلي بودر , ملح
للتزيين / خس مقطع شرائح , جبن شيدر مبشور
لصلصه / بصله مفرومه , طماطه مقطعه صغار , فلفل أخضر حار
 
الطريقة
 
نصف التاكو في الصينية وندخله الفرن تسخين لمدة 5 دقائق
 
 
ونجهز الحشوة بتقلية البصل المفروم حتى يذبل ونحط عليه اللحم المفروم وبس ينشف اللحم
نحط عليه البهارات والملح
 
ونجهز اغراضنا
 
 
نبدا نحشي رقائق التاكو بالترتيب
لحم مفروم فوقه الخس المقطع وفوقه الصلصه المكسيكيه واخر شي الجبن
وبس ويقدم بالعافيه
 
 
الحشوة اللي فوقها حسيتها ناشفه بجرب هالمره أحط عليها طماط مبشور وملعقة صلصة طماط
وشوية ماي واتركها تطبخ ربع ساعه جربوها اتوقع تطلع احلى
والحين نجي للحشوات اللي في الطريق للتجربه
 
هذي خذتها من الجسد مااذكر اسم العضوة
 
تحضير الحشوة :
دجاج فيليه بدون عظم أو جلد
تاكو مكس (بهارات التاكو )
رشة كمون
رشة سمّاق
ملعقة طعام زيت زيتون
نقطع الدجاج الى قطع صغيرة جدا ..
نضعه على النار مع الزيت ..
نقلبه لين يبدا يستوي ..
نضيف بهارات التاكو ونضيف موية على حسب كمية الدجاج ..
نطبخه عادي .. واذا بدا يستوي نوطي النار .. ونخليه تقريبا 20 دقيقة .
مكونات الصوص اللي بنضيفها فوق الدجاج ..
صلصة الطماطم ..
صلصة الصويا (كمية قليلة)
ليمون
خل
ملعقة لبن زبادي
ملعقة طحينة
نعناع مجفف
ورق الريحان مجفف
سمّاق
الطريقة :
ناخذ خبز التاكو ونضيف ورق الخس .. أفضل يكون كبير
ثم نضيف الدجاج
وفوقه شوية صوص
وعليه شرايح الموزاريلا
***
 
طريقة ام سيد علي
 
نتبل صدور دجاج مخليه من العظم الملح والفلفل وندهن صينية الفرن بملعقة زيت زيتون ونحمر
صدور الدجاج في الفرن 4 دقائق لكل جهه بعدين نقطع الصدور لمكعبات ونتركها على جنب
 
نقلي بصله مفرومه في ملعقتين زيت زيتون لمدة 3 دقائق وبعدين نضيف عليها
مكعبات صدور الدجاج المشوية ونصدين نضيف طماط مبشور وصلصه الطماط
الملح والبهارات اللي هي كمون وكزبرة مطحونه وبابريكا وفلفل أحمر بودره
 
ونتركها تنطبخ شويات ونحشيها مثل الطريقه اعلاه بالخس والجبن المبشور