كيكة البونتي

كيكة البونتي

هالكيكه  روعه للي يحبو شوكولاته باونتي وجوز الهند ” فديت روحهم الغاليين اللي يحبو جوز الهند ” وبارد ومنعش في هالحر .. جربناه في اخر قعده لنا مع البنات في بيت صلحيه .. هالقمر كله مدلعتنا ومدللتنا تسلم ايدها .. وخذنا الطريقه منها .. جربوا واحكوا ..

بس الفرق هي طبقت الكيك خلتها مفتته ورصتها مثل الجيز كيك .. بس لما سويتها خليتها مثل ماهي .. وسويت خطأ  اني حطيت طبقة جوز الهند قبل ماتبرد الكيكه فصارت رطبه من تحت بس عموما ماخرب ع الطعم ..  واذا تبغوها مثل الاييسكريم تقدروا تستبدلوا الطبقه الاخيره بشوكولاته مذوبه مع قشطه وبردوها في الفريز >> ماجربتها بس اتوقع بتطلع تمام  ..

المقادير + الطريقه

الطبقة الأولى .. كيكة بنيه تقدروا تسووها او تستخدموا كيك بيتي كروكر شوكولاته  نخبزها ونتركها تبرد

الطبقة الثانيه… في قدر نحط ” كاسين جوز هند + كاسين حليب + 3 ملاعق سميد + نص كاس زيت + بياله سكر ” ونحركه ع النار بس يغلي ويثقل نرفعه ونصبه على طبقة الكيك ونترتبه بالملعقه

الطبقه الثالثه .. في قدر نحط  ” ظرف كريم كراميل + فنجان سكر + علبة قشطة + 3 ملاعق كاكاو + كاس حليب ” نذوبهم على النار وبس يغلي نرفعه ونصبه بحذر على طبقة جوز الهند وندخله الثلاجه يبرد  لحين وقت التقديم وبالعافيه

Advertisements

7 تعليقات

  1. Posted by أوراق on 18/08/2011 at 1:54 صباحًا

    قبل جربتها مرتين ومرره اعجبتهم واعجبتني

    ولكن الطبقة الاولى اعمل كيك من عندي والطبقه الثالثه طبقتي لونها اغمق من اللى عملتيها

    لان هذه الطبقة الباونتي لونها غامق مو فاتح

    الطبقة اللى عملتها غامقه ومرره اعجبتني هي مرره بسيطه وهي
    علبة قشطة مع 3 ملاعق كاكاو بودره مره مع فنجان سكر مع ملعقة زيت حركيها الى ان يذوب السكر وتصير لامعه وملساء وضعيها على الطبقة الثانيه

    رد

  2. أوراق ..

    كانت هذي اول مره اجربها ولقيت طريقه ثانيه لنفس الكيكه حتى الطبقه اللي بالوسط تكون متماسكه اكثر وقلت بجربها
    وان شاء الله اجرب الطبقه الثالثه نفس طريقتك

    يسلموا ورده

    رد

  3. Posted by عزايم الخير on 29/11/2011 at 9:11 مساءً

    الصراحه شكلها يجنن بروح أسويها حالا باي مشغوله

    رد

  4. سلام حبيبتي ..مرره شكل الحلى مغغغغغري ..وسسجلت الطريقه ..لكن عندي سؤآآل..بالنسبه للحليب المستخدم ..هل هو حليب اللي نششتريه جاهز المراعي والسعويه ..ألخ ..آو البودره المذووب ..!؟؟أتمنى الرد

    رد

  5. 588h mrrh 7looh:)

    رد

  6. جربتها من قبل وحذيت الطبقة الثالثة جالكسي وطلعت تجنن

    رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: