لف المعجنات

اليوم جايبه لكم طرق للف الفطاير والمعجنات .. شفتهم في المنتديات وطبقتهم بس يبغى لهم بال … سويت بهم السويس رول واصابع القرفه وفطاير لحم

طبعاً انتوا تاخذوا الفكره وتطبقوها على الحشوه اللي تبغوها سواء حلى او مالح

لأصابع القرفه .. نفرد العجينه وندهنها بالزبده بس نخلي الاطراف بدون دهن عشان تلزق على بعضها  ونرش عليها السكر البني والقرفه

نطبقها على بعض  بهالطريقه  ونقطعها  بشكل طولي

ونلف كل مستطيل بشكل متعاكس

وهذا شكله بعد الخبز حطيت عليه صوص الهيرشي  شوكولاته والكراميل

تقدروا تستخدموا نفس الفكره  على حشوة الزعتر

~~~~~~~~

“2 “

هالطريقه  بالأساس  اللي خذتها من عندها كانت حاطه حشوه مالحه لبنه وزيتون او زعتر نسيت بس كنت مسويه سويس رول وقلت اجربها  طلعت حليوه بس صارت عملاقه لأني

ماقسمت العجينه بس انتوا خذوا الفكره وضبطوها  لأن شكلها حلو

نفرد العجينه بشكل مستطيل كبير وندهنها بالحشوه اللي نبغاها ونلفها رول مثل مانسوي السينابون ونقطع بالسكين بس بدون مانوصل للطرف  بهالشكل

ونبتدي نعاكس الحلقات وحده نخليها مثل ماهي والثاني نرفعها للجهه الثانيه بهالشكل

ونخبزها طبعا المفروض ماوريكم نتيجتي لأن مثل ماقلت لكم طلعت عملاقه عندي  بس للأمانه  بضحي واوريكم 😛

~~~~~~~~

“3 “

وهذي للفطاير والتسميه من عندي  .. نسيت  وماصورت الا خطوه وحده بس ان شاء الله تكون  واضحه تبين الفكره

نحشي الفطاير بشكل كوره عادي  وبعدين ناحذ قطعتين صغار  من العجينه نلفها على شكل اسطواني  ونجدلها  بلف الخيطين على بعض  بهالشكل

وناخذ الجديله اللي عملناها ونحطها مثل التاج فوق  الفطيره وندخل الاطراف تحت حتى ماتنفتح اذا خبزناها .. ان شاء الله وضحت الفكره  وتبين من النتيجه النهائيه

Advertisements

2 تعليقان

  1. Posted by أوراق on 09/08/2011 at 2:02 صباحًا

    حبيت الطرق واعجبتني الاولى والثالثه اما الثانيه حلوه لو بقدمها كذا بكبرها
    ولكن عادتي اقدم الاصناف باطباق وتكون الاكله مقطعه يعني الحركه بتروح عليهم لذلك طريقه السينابون بتقطيع كامل اراها تناسبني اكثر من الطريقه الثانيه

    رد

  2. أوراق …

    نفس الحال عندي كل شي اقدمه مقطع بس احب اجرب مرات .. تقدري تسوي الطريقه الثانيه بس على رولات صغيره قد الكف او مثلا خلي هالطريقه لو كان عندك عزومه او ضيوف حلوه في التقديم وقطعيها اثناء التقديم

    ومثل ماقلت هالطريقه اساسا حق حشوه مالحه تقدري تستخدميها لفطاير اللبنه والزعتر او الزيتون تدهنينها بدل حشوة السكر للسينابون

    ان شاء الله هالمره احط طرق لف ثانيه ..

    وحياش حبيبتي

    رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: